22 Okt
Türkmenistanyň Saýlaw kodeksiniň 4-nji maddasyna laýyklykda, Türkmenistanyň Prezidentiniň saýlawlary boýunça saýlaw möwsüminiň başlanýandygyny yglan etmek ygtyýarlygy Türkmenistanda Saýlawlary we sala salşyklary geçirmek baradaky Merkezi topara degişlidir.
Türkmenistanda Saýlawlary we sala salşyklary geçirmek baradaky Merkezi toparyň 2016-njy ýylyň 22-nji oktýabrynda kabul eden 16-njy karary esasynda, Türkmenistanyň Prezidentiniň saýlawlary boýunça saýlaw möwsüminiň 2016-njy ýylyň 24-nji oktýabryndan başlanýandygy yglan edildi.
Saýlaw möwsüminiň başlanýandygy hakyndaky habar köpçülikleýin habar beriş serişdeleri arkaly ilatyň dykgatyna ýetirildi.
