10 Mart

Ses bermegiň geçirilişine on-line tertibinde syn etmek

Ýurdumyzyň sanly ulgamy ösdürmek baradaky syýasatynyň çäklerinde, Türkmenistanyň Prezidentiniň saýlawlary boýunça Aşgabat şäherinde we welaýatlarymyzda döredilen saýlaw uçastoklarynyň ýüzlerçesinde wideo kameralar gurnaldy.

Şeýlelikde, saýlawlar güni, ýagny 2022-nji ýylyň 12-nji martynda şol saýlaw uçastoklarynda ses bermegiň geçirilişini sanly ulgam arkaly, on-line tertibinde Türkmenistanyň Merkezi saýlaw toparynyň saylav.gov.tm atly web-saýtynda göni ýaýlymda raýatlar köpçüligine görkezmek meýilleşdirilýär.

Saýlaw uçastoklarynyň sanawy Merkezi saýlaw toparynyň web-saýtynda «on-line» atly sahypada ýerleşdiriler.