16 Few
Türkmenistanyň Saýlaw kodeksiniň 44-nji, 45-nji maddalaryna laýyklykda, 2022-nji ýylyň 15-nji fewralynda Türkmenistanyň Agrar partiýasy tarapyndan 2022-nji ýylyň 12-nji martynda geçiriljek Türkmenistanyň Prezidentiniň saýlawlary boýunça Mary welaýatynyň häkiminiň orunbasary Agajan Bekmyradow dalaşgärlige hödürlenildi.
Dalaşgär hödürlemek boýunça Türkmenistanyň Agrar partiýasynyň nobatdan daşary IV gurultaýy Türkmenistanyň Oba hojalyk toplumynyň mejlisler jaýynda geçirildi.
Gurultaýa Türkmenistanyň Agrar partiýasynyň agzalary, şeýle-de, jemgyýetçilik guramalarynyň, köpçülikleýin habar beriş serişdeleriniň wekilleri we beýlekiler gatnaşdylar.
Agajan Bekmyradow Türkmenistanyň syýasy partiýalary tarapyndan hödürlenilen ikinji dalaşgärdir.
