15 Few
2022-nji ýylyň 15-nji fewralynda Türkmenistanda Saýlawlary we sala salşyklary geçirmek boýunça merkezi toparyň mejlisi geçirildi. Onuň gün tertibine laýyklykda, 2022-nji ýylyň 12-nji martynda geçiriljek Türkmenistanyň Prezidentiniň saýlawlary boýunça Türkmenistanyň Demokratik partiýasy tarapyndan dalaşgärlige hödürlenilen Türkmenistanyň Ministrler Kabinetiniň Başlygynyň orunbasary Serdar Gurbangulyýewiç Berdimihamedow Türkmenistanyň Prezidenti wezipesine dalaşgärlige bellige alyndy. Dalaşgäre Merkezi saýlaw toparynda şahsyýetnama gowşuryldy.
Mejlise Merkezi saýlaw toparynyň agzalary we Türkmenistanyň Demokratik partiýasynyň başlygy gatnaşdylar.
Dalaşgärleri bellige almak dowam edýär.
