15 Few
Türkmenistanyň Saýlaw kodeksiniň 44-nji, 45-nji maddalaryna laýyklykda, 2022-nji ýylyň 14-nji fewralynda Türkmenistanyň Demokratik partiýasy tarapyndan 2022-nji ýylyň 12-nji martynda geçiriljek Türkmenistanyň Prezidentiniň saýlawlary boýunça Türkmenistanyň Ministrler Kabinetiniň Başlygynyň Orunbasary Berdimuhamedow Serdar Gurbangulyýewiç dalaşgärlige hödürlenildi.
Dalaşgär hödürlemek boýunça Türkmenistanyň Demokratik partiýasynyň nobatdan daşary IX gurultaýy Türkmenistanyň jemgyýetçilik guramalarynyň merkezi mejlisler jaýynda geçirildi.
Foruma delegatlar bilen birlikde, jemgyýetçilik guramalarynyň, köpçülikleýin habar beriş serişdeleriniň wekilleri gatnaşdylar. Serdar Gurbangulyýewiç Berdimihamedow Türkmenistanyň syýasy partiýalary tarapyndan hödürlenilen birinji dalaşgärdir.
