18 Ýan
2018-nji ýylyň 25-nji martynda geçiriljek Türkmenistanyň Mejlisiniň deputatlarynyň, halk maslahatlarynyň we Geňeşleriň agzalarynyň saýlawlaryna taýýarlyk işleriniň çäklerinde, Türkmenistanyň Mejlisiniň deputatlarynyň we Merkezi saýlaw toparynyň edarasynyň hünärmenleriniň alyp barmagynda Ahal, Balkan, Daşoguz, Lebap, Mary welaýatlarynda we Aşgabat şäherinde okuw maslahatlary geçirildi.
Ýygnaklar ýanwar aýynyň 15-18-i aralygynda geçirilip, oňa saýlaw toparlarynyň, ýerli häkimiýet we öz-özüňi dolandyryş edaralarynyň, syýasy partiýalaryň wekilleri gatnaşdylar. Okuw maslahatlarynda olara saýlawlary geçirmegiň kanunçylyk düzgünleri we öz ygtyýarlyklarynyň çäklerinde saýlawlary guramaçylykly geçirmek boýunça ýerine ýetirilmeli işler barada düşündirildi.
