02 Maý
Möhletinden öň çykyp gidenleriň saýlaw okruglarynda we welaýatlaryň dolandyryş-çäk gurluşynyň üýtgemegi bilen baglylykda 2017-nji ýylyň 21-nji maýynda geçiriljek Türkmenistanyň Mejlisiniň deputatlarynyň, Halk maslahatlarynyň, Geňeşleriň agzalarynyň saýlawlaryna taýýarlyk işleri guramaçylykly dowam edýär.
Welaýat, okrug, etrap, şäher, şäherçe, geňeşlik we uçastok saýlaw toparlarynyň agzalary bilen okuw maslahatlaryny geçirmek işleri 2017-nji ýylyň 21-28-nji apreli aralygynda Merkezi saýlaw toparynyň edarasynyň işgärleri tarapyndan Ahal, Balkan, Daşoguz, Lebap, Mary welaýatlarynda, Aşgabat şäherinde guramaçylykly geçirildi. Okuw maslahatlarynda olara saýlawlara taýýarlyk görmegiň we geçirmegiň kanunçylyk düzgünleri giňişleýin düşündirildi.
